Safon Cofnodi Tryloywder Algorithmig

Mae'r Safon Cofnodi Tryloywder Algorithmig (ATRS) yn darparu ffordd safonol o gofnodi a rhannu gwybodaeth am yr offer algorithmig rydych chi'n eu defnyddio mewn fformat agored, dealladwy, hawdd ei gyrraedd ac am ddim.

Mae'n cofnodi gwybodaeth am:

• sut mae eich algorithm yn gweithio
• sut mae'n cael ei gynnwys yn eich proses gwneud penderfyniadau
• pa broblem rydych chi'n anelu i'w datrys trwy ddefnyddio'r offeryn
• eich cyfiawnhad neu'ch rhesymeg dros ei ddefnyddio
• pwy sy'n berchen ar ac yn gyfrifol am yr offeryn

Ein hargymhelliad

Yn dilyn trafodaethau, mae'r grŵp yn argymell bod sector cyhoeddus Cymru yn mabwysiadu'r ATRS i fod yn dryloyw ac atebol wrth gymhwyso awtomeiddio a deallusrwydd artiffisial.

Dylai'r sefydliad ddefnyddio'r ATRS i ysgogi trafodaethau a sgyrsiau o fewn eu sefydliadau i sicrhau bod ganddynt atebion i'r pwyntiau uchod.

Ni fydd mandad i gyflwyno ffurflen wedi'i chwblhau, ond gallwn gefnogi unrhyw un sydd am roi cyhoeddusrwydd i'w ffurflenni naill ai gyda'r Uned Mabwysiadu Technoleg Gyfrifol neu mewn cofrestr Gymreig.

Rhannwch eich barn

• A yw'n ddefnyddiol?
• Pa mor ymarferol mae'n rhaid i ni ddilyn?
• A yw hyn yn rhywbeth y gallai eich sefydliad ei fabwysiadu?
• A oes unrhyw beth a fyddai'n ei gwneud yn fwy perthnasol i'ch sefydliad?
• Hoffech chi gyhoeddi eich ffurflenni?
• A oes angen unrhyw gymorth ychwanegol arnoch i'w ddefnyddio?

Rhowch unrhyw adborth iddo drwy e-bostio standards@digitalpublicservices.gov.wales.