"Mae'r profiad hwn wedi rhoi'r hyder i ni dreialu ein tîm gwasanaeth Ystwyth ein hunain sy'n cynnwys pobl Awdurdod Cyllid Cymru."
Rydym yn gweithio gyda sefydliadau'r sector cyhoeddus sy'n rhannu ein huchelgais i wneud newid cynaliadwy i wasanaethau yng Nghymru.
Er enghraifft, Llywodraeth Cymru, awdurdodau lleol, byrddau iechyd a sefydliadau eraill a ariennir gan Lywodraeth Cymru.
Safonau Gwasanaethau Digidol i Gymru
Fel partner, byddwch yn gweithio gyda ni i fodloni Safonau Gwasanaethau Digidol Cymru.
Mae hyn yn golygu:
- gweithio yn agored, gan rannu ein dysgu
- diwallu anghenion y bobl sy'n defnyddio'ch gwasanaethau, yn ogystal ag amcanion eich sefydliad
- bod yn ystwyth, bob amser yn chwilio am ffyrdd o wella a dysgu fel ein bod yn tyfu gyda'n gilydd
Beth fyddwch chi'n ei gael
Cyd-weithiwch gyda ni i rannu ein profiad ledled Cymru ar draws y sector cyhoeddus.
Byddwn yn eich helpu i:
- ganolbwyntio ar anghenion y bobl sy'n defnyddio'ch gwasanaethau
- ddeall beth mae'r safonau'n ei olygu i'ch sefydliad
- gynyddu eich gallu digidol gyda chymorth wedi'i deilwra
- ddatblygu sgiliau digidol a hyder i weithio mewn ffordd Ystwyth
- gydweithio i gael canlyniadau gwell a chyflymach
Ein dull gweithredu
Mae newid parhaol yn dod o weithio gyda'n gilydd. Rydym am fagu hyder ein partneriaid i wneud pethau'n wahanol, gan fabwysiadu dulliau modern ar draws eu gwasanaethau.
Mae gennym dîm medrus parhaol gyda phrofiad o gyflwyno, dylunio gwasanaeth, cynnyrch, ymchwil defnyddwyr, dylunio cynnwys a dylunio rhyngweithio a thîm o arbenigwyr cyfathrebu a all eich helpu i siarad am yr hyn rydych chi'n ei wneud a'i ddysgu.
Trafodir yr holl geisiadau yng nghyfarfodydd ein tîm arweinyddol ac os gallwn helpu, byddwn yn gweithio gyda chi i drafod canlyniadau, amserlenni, cyllideb a disgwyliadau. Bydd angen ymrwymiad gan eich sefydliad a byddwn yn drafftio cytundeb partneriaeth gyda chi sy'n amlinellu'n glir pwy sy'n gwneud beth.
Os na allwn eich cefnogi gyda'ch cais penodol, efallai y gallwn helpu mewn ffyrdd eraill megis cynnig persbectif amgen, cynnig eich mentora chi neu'ch tîm, neu ddarparu cymorth drwy ein rhaglen hyfforddi neu gymunedau ymarfer.
